ⵜⴰⵎⵓⵖⵍⵉ ⵏ ⵓⵙⵏⵜⵉ
ⴰⵙⵏⵜⵉ “ⴰⵎⵜⵜⵕⴼ, ⵓⵀⵓ ⵜⴰⵏⵎⵎⵉⵔⵜ” ⵉⵜⵜⴰⵡⵙ ⵉⵄⵔⵉⵎⵏ ⴳ ⵓⵙⵏⴼⵍⵓⵍ ⵓⴷⵎⴰⵡⴰⵏ ⵏⵏⵙⵏ ⵙ ⵓⵙⴷⵓⵙ ⵏ ⵜⵡⵏⴳⵉⵎⵜ ⵜⴰⵏⵇⵇⴰⴹⵜ, ⴰⵙⵇⴰⴷ ⵏ ⵜⵓⴳⵜ ⴷ ⵓⵔⵣⵣⵓ ⵅⴼ ⵜⵏⴰⵍⵉⵜ ⵜⵓⴷⵎⴰⵡⴰⵏⵜ ⴷ ⵜⴰⴳⴷⵓⴷⴰⵏⵜ.
ⵉⵡⵜⵜⴰⵙⵏ ⵏ ⵓⵙⵏⵜⵉ
ⴰⵡⵜⵜⴰⵙ ⴰⵎⴰⵜⴰⵢ: ⵜⵉⵡⵉⵙⵉ ⴳ ⵓⵙⴷⵓⵙ ⵏ ⵜⵎⵍⵉⵍⵜ ⴷ ⵜⵣⵎⵎⴰⵔ ⵏ ⵜⵎⵔⵙⴰⵍ ⵜⵉⵙⴳⵎⴰⵏⵉⵏ ⵜⵉⵎⵔⵙⴰⵍⵉⵏ ⴷ ⵏ ⵡⴰⵎⵓⵏ ⵓⵖⵔⵉⵎ ⴳ ⵓⵙⵙⵏⴼⴰⵍ ⵏ ⵜⵏⴼⵍⵉⵜ ⵜⴰⵏⴰⵎⵓⵏⵜ ⵉⵙⵉⴷⴼⵏ ⵖⵔ ⵉⵙⵓⵜⴰⵍ ⵉⵎⴰⵥⵓⵏⵏ.
ⴰⵡⵜⵜⴰⵙ ⵉⵎⵥⵍⵉⵏ: ⴰⵙⵙⵎⵖⵔ ⵏ ⵓⵔⵎⵎⵓⵙ ⴰⵏⴼⴳⴰⵏ ⵏ ⵜⵎⵔⵙⴰⵍ ⵜⵉⵙⴳⵎⴰⵏⵉⵏ, ⵜⵉⵎⵔⵙⴰⵍⵉⵏ ⴷ ⵏ ⵡⴰⵎⵓⵏ ⵓⵖⵔⵉⵎ ⵙ ⵓⵙⵙⵏⴼⴰⵍ ⵏ ⵜⵏⴰⴼⵓⵜⵉⵏ ⵜⵉⵎⵙⵏⴼⵍⵓⵍⵉⵏ ⵉ ⵓⵎⵀⴰⴹ ⵏ ⵓⵙⵎⵜⵜⵕⴼ ⴷ ⵓⵙⵙⵓⴼⵖ ⵙⴳ ⵓⵎⵜⵜⵕⴼ ⵏ ⵉⵄⵔⵉⵎⵏ ⴳ ⵜⵎⵏⴰⴹⵜ ⵏ ⴱⵏⵉ ⵎⵍⵍⴰⵍ-ⵅⵏⵉⴼⵔⴰ.
ⴰⴳⴷⵓⴷ ⴰⵙⵡⵓⵜⵜⵓ
200 ⵏ ⵉⵎⵙⴽⴰⵔⵏ ⵉⵏⴰⵎⵓⵏⵏ ⵉⵙⴳⵎⴰⵏⵏ: ⵉⵎⴰⵙⵍⴰⴷⵏ ⵏ ⵜⵎⵙⵎⵓⵏⵉⵏ ⵏ ⵏⵏⴰⵊⴰⵃ, ⵉⵙⵍⵎⴰⴷⵏ ⵏ ⵜⵔⵓⴱⴱⴰ ⵜⵉⵏⵉⵎⴰⵍⵍⴰⵙⵉⵏ, ⵉⵎⵙⵏⵓⵔⵣⵎⵏ ⵏ ⵜⵎⵙⵎⵓⵏⵉⵏ, ⵉⵎⵙⴽⴰⵔⵏ ⵉⵏⴰⵎⵓⵏⵏ ⵉⵙⴳⵎⴰⵏⵏ ⵏ ⵜⵎⵔⵙⴰⵍ ⵜⵉⴷⵖⴰⵔⴰⵏⵉⵏ, ⵉⵍⵍⴰ ⴷⵉⴳⵙⵏ ⵜⵉⵎⵏⵉⵔⵉⵏ ⵜⵉⵏⴰⵙⴳⴷⴰⵏⵉⵏ (Mourchidate) ⴷ ⵉⵎⵙⴽⴰⵔⵏ ⵏ ⵉⵎⵎⴰⵙⵏ ⵏ ⵓⵙⴼⵍⴷ ⴷ ⵓⵙⵏⵓⵎⵎⵍ ⵉ ⵜⵎⵖⴰⵔⵉⵏ
2 000 ⵏ ⵉⵄⵔⵉⵎⵏ: ⵉⵎⵙⵜⴰⵡⵀⵎⵎⴰ ⵏ ⵓⵏⵎⵓⴷⴷⵓ ⴰⵙⴳⵎⴰⵏ ⵏ ⵓⵎⵀⴰⴹ ⵏ ⵓⵙⵎⵜⵜⵕⴼ, ⵏ ⵜⵎⵙⴽⴰⵔⵜ ⵜⴰⵏⴰⵎⵓⵏⵜ ⵜⴰⵙⴳⵎⴰⵏⵜ ⴷ ⵜⵎⵍⵍⴰⵢ ⵏ ⵓⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ
ⵉⵄⵔⵉⵎⵏ ⵏ 15 ⴰⵔ 29 ⵏ ⵓⵙⴳⴳⵯⴰⵙ ⴷ ⵜⵉⵡⵊⵉⵡⵉⵏ ⵏⵏⵙⵏ ⴳ ⵉⴳⵔⴰⵏ ⵏ ⵜⵉⴳⴰⵡⵜ
ⵜⵉⵎⵀⴰⵍ ⵏ ⵓⵙⵏⵜⵉ
ⴰⵎⵀⴰⴹ ⴷ ⵓⵙⴳⵎⵉ
- ⵢⴰⵏ ⵓⵏⵎⵓⴷⴷⵓ ⴰⵙⴳⵎⴰⵏ ⵏ ⵓⵎⵀⴰⴹ ⵏ ⵓⵙⵎⵜⵜⵕⴼ
- 36 ⵏ ⵡⵓⵙⵙⴰⵏ ⵏ ⵓⵙⵎⵓⵜⵜⴳ ⵅⴼ ⵜⴰⵙⵏⴰⴼⴳⴰⵏⵜ ⵏ ⵉⵄⵔⵔⵉⵎⵏ, ⵜⴰⵎⴰⴷⴷⴰ ⵏ ⵓⵎⵜⵜⵕⴼ ⴷ ⵜⵎⵍⵉⵍⵜ ⵏ ⵉⵎⴰⵙⵙⵏ ⵉⵎⵓⵟⵟⵓⵏⵏ
- 6 ⵏ ⵡⵓⵙⵙⴰⵏ ⵏ ⵓⵙⵎⵓⵜⵜⴳ ⴷ ⵓⵙⴰⵔⵎ ⵅⴼ ⵓⵏⵎⵓⴷⴷⵓ ⴰⵙⴳⵎⴰⵏ
- ⴰⴹⴼⴰⵕ ⴷ ⵓⵙⵎⵓⵏ ⵉⵏⵣⴳⵉⵏ
ⵜⴰⵏⴰⵙⵜ ⴷ ⵓⵔⵣⵣⵓ
- 3 ⵏ ⵜⵏⵜⵉⵏⵉⵏ ⵜⵉⵖⵔⵎⴰⵏⵉⵏ
- 1 ⵏ ⵜⵣⵔⴰⵡⵜ ⵜⴰⵙⵏⴰⴼⴳⴰⵏⵜ ⵜⴰⵏⴰⵎⵓⵏⵜ ⵅⴼ ⵓⵙⵎⵜⵜⵕⴼ ⵏ ⵉⵄⵔⵉⵎⵏ
- 6 ⵏ ⵜⵉⴳⴳⴰⵍ ⵏ ⵓⴷⵓⵙ ⴰⵙⵏⴰⴼⴳⴰⵏ ⴰⵏⴰⵎⵓⵏ ⴰⵙⴳⵎⴰⵏ
ⴰⵙⴷⵓⵙ ⵏ ⵜⵣⵎⵎⴰⵔ
- 18 ⵏ ⵡⵓⵙⵙⴰⵏ ⵏ ⵓⵙⵎⵓⵜⵜⴳ ⵅⴼ ⵓⵙⵎⵓⵜⵜⵔ ⵏ ⵉⵙⵏⵜⵉⵢⵏ ⴷ ⵓⵙⵎⴰⵍ ⵏ ⵉⵙⵓⴳⴰⵎ
- 6 ⴰⵔ 10 ⵏ ⵉⵙⵏⵜⵉⵢⵏ ⵉⵎⵥⵥⵢⴰⵏⵏ ⵉ ⵓⵎⵀⴰⴹ ⵏ ⵓⵙⵎⵜⵜⵕⴼ ⵏ ⵉⵄⵔⵉⵎⵏ
- 6 ⵏ ⵡⵓⵙⵙⴰⵏ ⵏ ⵓⵙⵎⵓⵜⵜⴳ ⵅⴼ ⵓⵙⵎⵔⵙ ⴰⵙⴳⵎⴰⵏ ⵏ TIC
ⴰⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ
- 1 ⵏ ⵓⴳⵔⴰⵡ ⵏ ⵜⵡⵓⵔⵉ ⴰⴷ ⵉⵙⵙⵏⴼⵍ ⴰⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ ⴷ ⵓⴱⴹⵓ ⵏ ⵜⵎⵍⵍⵉⵙⵉⵏ ⵉⴼⵓⵍⴽⵉⵏ ⴳⵔ ⵙⵏⴰⵜ ⵏ ⵜⵎⴰ ⵏ ⵉⵍⵍ ⴰⴳⵔⴰⴽⴰⵍ
- 24 ⵏ ⵡⵓⵙⵙⴰⵏ ⵏ ⵓⵙⵎⵓⵜⵜⴳ ⵅⴼ ⵓⵙⴳⵎⵉ ⴰⵎⴰⵜⴰⵢ ⴷ ⵓⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ ⴷ ⴰⴳⵔⴰⵎⴰⵙⵙⴰⵏ
- 5 ⵏ ⵉⵙⵏⵜⵉⵢⵏ ⵉⵎⵥⵥⵢⴰⵏⵏ ⵏ ⵓⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ ⴷ ⴰⴳⵔⴰⵎⴰⵙⵙⴰⵏ
ⴰⵙⵏⵜⵉ “ⴰⵎⵜⵜⵕⴼ, ⵓⵀⵓ ⵜⴰⵏⵎⵎⵉⵔⵜ” (OSC-AL-2015/369-801) ⵉⵜⵜⵡⴰⵙⵙⵏⵎⴰⵍⴰⵏ ⵙ ⵜⵎⵓⵏⵜ ⵜⵓⵕⵓⴱⴱⵉⵜ ⴷ ⵉⵜⵜⵡⴰⵙⴽⴰⵔ ⵙ ⵜⵎⵙⵎⵓⵏⵜ ProgettoMondo Mlal, ⵙ ⵜⴷⵔⴰⵡⵜ ⴰⴽⴷ ⵜⴽⴰⴷⵉⵎⵉⵜ ⵜⴰⵎⵏⴰⴹⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⴱⵏⵉ ⵎⵍⵍⴰⵍ-ⵅⵏⵉⴼⵔⴰ, ⵜⴰⵎⵙⵎⵓⵏⵜ Al Intilaka AIDECA, Amnesty International ⵍⵎⵖⵔⵉⴱ ⴷ ⵜⵎⵙⵎⵓⵏⵜ CEF.
ⵉⵙⵡⵉⵢⵏ ⵏ ⵜⵏⴼⵍⵉⵜ ⵜⴰⵎⵙⵜⴳⴳⴰⵔⵜ
ⴰⵙⵏⵜⵉ ⴰⴷ ⵉⵜⵜⴽⴽⴰ ⴳ ⵉⵙⵡⵉⵢⵏ ⴰⴷ:
ⵉⴳⵎⴰⴹ ⴷ ⵓⵙⵏⴼⵍ
200 ⵏ ⵉⵎⵙⴽⴰⵔⵏ ⵉⵏⴰⵎⵓⵏⵏ ⵉⵙⴳⵎⴰⵏⵏ ⵜⵜⵡⴰⵙⵎⵓⵜⵜⴳⵏ ⵅⴼ ⵓⵎⵀⴰⴹ ⵏ ⵓⵙⵎⵜⵜⵕⴼ
2 000 ⵏ ⵉⵄⵔⵉⵎⵏ ⵏ 15 ⴰⵔ 29 ⵏ ⵓⵙⴳⴳⵯⴰⵙ ⵙⵜⴰⵡⵀⵎⵎⴰⵏ ⵙ ⵓⵏⵎⵓⴷⴷⵓ ⴰⵙⴳⵎⴰⵏ
36 ⵏ ⵡⵓⵙⵙⴰⵏ ⵏ ⵓⵙⵎⵓⵜⵜⴳ ⵅⴼ ⵜⴰⵙⵏⴰⴼⴳⴰⵏⵜ ⵏ ⵉⵄⵔⵔⵉⵎⵏ, ⴰⵎⵜⵜⵕⴼ ⴷ ⵉⵎⴰⵙⵙⵏ ⵉⵎⵓⵟⵟⵓⵏⵏ
6 ⵏ ⵜⵉⴳⴳⴰⵍ ⵏ ⵓⴷⵓⵙ ⴰⵙⵏⴰⴼⴳⴰⵏ ⴰⵏⴰⵎⵓⵏ ⴰⵙⴳⵎⴰⵏ ⵜⵜⵡⴰⵙⴱⴷⴷⵏⵜ
ⵜⵉⵎⵉⵔⵉⵏ ⵏ ⵓⵙⵏⴼⵍ
ⵜⴰⵏⵎⵍⵉⵜ ⵉ ⵉⵄⵔⵉⵎⵏ ⵅⴼ ⵜⵡⵏⴳⵉⵎⵜ ⵜⴰⵏⵇⵇⴰⴹⵜ
ⵜⵜⵡⴰⵙⵙⵏⵎⴰⵍⴰⵏⵜ ⵜⵏⵎⵍⵉⵏ ⵜⵉⵏⵣⴳⵉⵏ ⴰⴷ ⵙⵏⴼⵍⵏⵜ ⵜⵉⵣⵎⵎⴰⵔ ⵏ ⵜⵡⵏⴳⵉⵎⵜ ⵜⴰⵏⵇⵇⴰⴹⵜ ⴳ ⵉⵄⵔⵉⵎⵏ. ⵜⵉⵏⵎⵍⵉⵏ ⴰ ⵜⵉⵎⵎⵙⵉⵡⴰⵍⵉⵏ ⵙⵏⴼⵍⵓⵍⵏⵜ ⵉⵙⵎⵉⴹⵏ ⵉⵏⴼⵔⵓⵜⵏ ⵉ ⵉⵄⵔⵉⵎⵏ ⴰⴷ ⵎⵎⵙⵉⵡⴰⵍⵏ ⵅⴼ ⵉⵙⵏⵜⴰⵍ ⵉⵡⵄⵔⵏ, ⴰⴷ ⵙⵙⴰⵏ ⵜⴰⵏⵏⴰⵢⵉⵏ ⵉⵎⵣⴰⵔⴰⵢⵏ ⴷ ⴰⴷ ⵍⵎⴷⵏ ⵎⴰⵎⴽ ⴰ ⵙⴽⵜⵜⵉⵏ ⵓⵎⵍⴰⵏ ⵙ ⵓⵏⴰⵎⴽ, ⴰⵢⴰ ⵉⵜⵜⴰⵡⵙ ⴰⵙⵏ ⴰⴷ ⵙⵏⴼⵍⵓⵍⵏ ⴰⵏⴰⵎⴽ ⵎⴳⴰⵍ ⵜⵉⵡⵏⴳⵉⵎⵉⵏ ⵜⵉⵎⵜⵜⵕⴰⴼⵉⵏ.
ⴰⵙⵎⵓⵜⵜⴳ ⵏ ⵉⵎⵙⴽⴰⵔⵏ ⵉⵏⴰⵎⵓⵏⵏ ⵉⵙⴳⵎⴰⵏⵏ
ⴰⵙⵏⵜⵉ ⵉⵙⵎⵓⵜⵜⴳ 200 ⵏ ⵉⵎⵙⴽⴰⵔⵏ ⵉⵏⴰⵎⵓⵏⵏ ⵉⵙⴳⵎⴰⵏⵏ, ⴳⵔ ⴰⵙⵏ ⵉⵙⵍⵎⴰⴷⵏ, ⵉⵎⵙⴽⴰⵔⵏ ⵉⵏⴰⵎⵓⵏⵏ ⴷ ⵉⵎⵏⵉⵔⵏ ⵉⵏⴰⵙⴳⴷⴰⵏⵏ, ⵅⴼ ⵓⴼⵀⵎ ⵏ ⵉⵎⵙⵏⴰⵍⴰ ⵉⵙⵏⴰⵏⴼⵏ ⵉⵇⵇⵏⴻⵏ ⵙ ⵓⵙⵎⵜⵜⵕⴼ ⴷ ⵜⵙⵜⵕⴰⵜⵉⵊⵉⵢⵉⵏ ⵏ ⵓⵎⵀⴰⴹ ⵉⵏⴼⵍⴰⵃⵏ. ⵉⵎⵙⴽⴰⵔⵏ ⴰ ⵙⵙⴽⴰⵔⵏ ⴷⴼⴼⵉⵔ ⵉⴱⵔⴷⴰⵏ ⴰ ⴳ ⵜⵎⵓⵏⴰ ⵏⵏⵙⵏ, ⵙⵏⴼⵍⵓⵍⵏ ⴰⵙⵏⴼⵍ ⵉⵎⵉⴳⴳⵓⵜⵏ.
ⴰⵖⴰⵡⴰⵙ ⵏ ⵓⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ
ⵢⴰⵏ ⵙⴳ ⵉⵍⵜⴰⵖⵏ ⵉⵎⵇⵇⵓⵕⵏ ⵏ ⵓⵙⵏⵜⵉ ⵉⴳⴰ ⵜ ⴰⵖⴰⵡⴰⵙ ⵏ ⵓⵎⵎⵙⵏⵉⴼⵍ ⴰⴳⵔⴰⴷⵍⵙⴰⵏ ⵍⵍⵉ ⵉⵙⵙⵎⵓⵏⵏ ⵉⵄⵔⵉⵎⵏ ⵏ ⵉⵏⵎⴰⵍⵓⵜⵏ ⵉⵎⵣⴰⵔⴰⵢⵏ. ⵙ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵜⵎⵏⵜⵉⵍⵉⵏ ⵜⵉⵎⴷⵔⴰⵡⵉⵏ ⴳⵔ ⵜⵎⵓⵏⴰ ⵉⵎⵣⴰⵔⴰⵢⵏ, ⴰⵎⵎⵙⵏⵉⴼⵍ ⴰ ⵉⵜⵜⴰⵡⵙ ⴳ ⵓⵔⵥⵥ ⵏ ⵉⵙⴽⴽⵉⵏ ⵉⵇⴱⵓⵔⵏ ⴷ ⵓⵙⴱⴷⴷⵉ ⵏ ⵓⴼⵀⵎ ⴷ ⵓⵇⴰⴷⴰ ⴰⵎⵢⴰⵏⴰⵡ.
ⵉⵎⵛⴰⵔⴽⵏ
